كيكة هائلة ولذيذة بالكراميل وسهلة التحضير

بسم الله الرحمان الرحيم

220غ دقيق مغربل(يتغربل عاد يتعبر)

م ص خميرة

نصف م ص بيكاربونات الصوديوم

ملح

115 غ زبدة فحرارة المطبخ

180 غ سكر

2 بيضات كبار يكونو فحرارة المطبخ

250 مل حليب

فاني

مقادير الكرميل

250 مل كريم سائل

100 غ سكرسنيدة

م ك كليكوز او عسل

فاني

طريقة تحضير كيك بالكراميل ساهلة ورائعة المذاق بالصور

نسخنو الفرن على 180 درجة مئوية 350 فهرنهايت

ندهنو المقلة ديالنا 20 سم بالزبدة و نرشوها بالطحين

نغربلو الطحين مرة اخرى معا لخمائر و الملح

نطربوالزبدة و السكر حتى تكريما

ثم نضيفو الفاني

نضيفو البيض وحدة بوحدة

وكل مرة كنضيفو البيض نطربو مزيان

ثم نخفضومن سرعة الطراب و نضيفو الحليب حتى يتخلط لينا مزيان

الخليط غادي يتحبب عادي ماتخافوش

نضيفو الدقيق والخمائر على 3 دالمرات و كل مرة نخلطو مزيان

نوضعوالخليط فالمقلة و نضربو المقلة عدة مرات باش يخرجو الفقاعات الهوائية لي فيها

ندخلوها للفرن من 35 حتى ل 40 دقيقة

منين تطيب نخرجوها و نخليوها تبرد

لتحضيرالكرميل :

نوضعو الكريم السائل فكاسرونة و نضيفوعليه السكر , الكليكوزاو لعسل

و شوية دالملح

نخليوه يغلي حتى يذوب السكر على نارمهيلة مابين 12 حتى 14 دقيقة

ثم نضيفو الفاني ونديروه على الكيك